Enbaxadore programak 9 enbaxadore berri izendatu ditu

Kursaalek eta Donostia Turismo & Convention Bureauk sustatutako programa

Donostia San Sebastián Turismoak eta Kursaalek Enbaxadore programa aintzatesteko ekitaldiari ekingo diote berriro, eta aurten bederatzi profesional izendatu dituzte Donostiako enbaxadore berri. Programa honek aurten ere gure helmugan bileren turismoa babestu eta sustatu nahi du.

Ekitaldia Miramar Jauregian egin zen, eta enbaxadore berriek ez ezik, Eneko Goia Donostiako alkate eta Donostia Turismoko presidenteak, Markel Olano Gipuzkoako Diputatu Nagusi eta Kursaal Zentroko presidenteak, Isabel Aguirrezabala Donostia Turismoko zuzendari gerenteak eta Iker Goikoetxea Kursaaleko zuzendari gerenteak ere parte hartu zuten.

Enbaxadore programa 2012an sortu zen, hirian 450 ordezkari baino gehiago (estatuko hitzorduen kasuan) eta 200 parte-hartzaile baino gehiagoren (nazioarteko foroen kasuan) bilerak, ekitaldiak edo kongresuak antolatu dituzten profesionalak bereizteko.

“Enbaxadore” berriak gehituta, 67 profesionalek osatzen dute 2012an sortutako elkarte prestigiotsua.

Kongresu-jardueraren eragina Donostian eta Gipuzkoan

San Sebastian Turismo & Convention Bureauk eta Kursaalek sustatutako programa honen helburua Donostia estatuko eta nazioarteko ekitaldi garrantzitsuen egoitza bihurtu duten pertsonen lana goraipatzea da, horrela helmugaren zabalkundea eta sustapena erraztuz.

Kursaalek eta San Sebastián Turismo & Convention Bureauk nabarmendu nahi duten ahalegina da hautagaitza bat aurkeztea eta kongresu bat antolatzeaz arduratzea; izan ere, interesik gabeko lan horretatik ondorio garrantzitsua eratortzen da, bai maila ekonomikoan, bai gure inguruko ezagutzaren sortzaile eta hedatzaile gisa.

Kongresuak dira hazteko potentzial handiena duen segmentua eta kuantitatiboki balio handia ematen duen jarduera, lurraldearen dinamizatzaile ekonomikoa. 2017an 111 ekitaldi egin dira hirian bileren turismoarekin lotuta (kongresuak, jardunaldiak, konbentzioak). Egindako kongresuen % 54,1 nazioartekoak izan dira eta % 45,9 nazionalak; eta inpaktu ekonomiko zenbatetsia 36.956.500 €-koa da (gaualdien kopurua biltzarkide bakoitzeko 350 €-ko batez besteko gastuaren arabera).

• Enbaxadore 2012
• Enbaxadore 2014
• Enbaxadore 2015
• Enbaxadore 2017
• Enbaxadore 2018
• Enbaxadore 2018
• Enbaxadore 2021

Enbaxadore berriak