Gaurkotasuna / 21 urria, 2024
- Urriaren 24an, ostegunean, 19:30ean, Kursaal Auditorioan, Crystal Fighters taldeak "Light+" diskoa aurkeztuko du kontzertuan, kideetako baten gaixotasunagatik otsaileko hitzordua atzeratu ondoren.
Joan den igandean abiatu zen Kursaal Eszenaren programazioan aste biziak izango dira datozen hauek. Hala, egun hauetan Crystal Fighters taldearen kontzertua izango da, "LIGTH+" diskoa aurkezteko biraren barruan (osteguna, urriak 24, 19:30, Kursaal Auditorioa), eta "Ilargirik ez" haur eta familientzako ikuskizuna, harmoniari eta oreka unibertsalari buruzko hausnarketa, hitzik gabe, musikaren bidez, Samfaina de Colors kataluniar konpainiak aurkeztuta (urriaren 26an, larunbata, 18:00etan, Kursaaleko Ganbera Aretoan). Bi emanaldietarako sarrerak, baita Kursaal Eszenako gainerako hitzorduetarako sarrerak ere, kursaal.eus webgunean eta Kursaaleko leihatiletan eros daitezke, % 10eko deskontuarekin Eszena Kideentzat.
Ostegun honetan Crystal Fighters taldeak otsailerako iragarri bazen ere taldeko kideetako bat ondoezik zegoelako atzeratu zen kontzertua emango du. Kontzertu hau euskal inspirazioa duen eta mundu osoko musiken eragina duen talde alternatibo honek bere estudioko bosgarren albuma, "LIGHT +", zuzenean aurkezteko egiten duen biraren parte da. Euskal instrumentu tradizionalen eta elektronikaren fusioan oinarrituta, disko honetan taldea jarraitzaileek ezagut dezaketen soinu batera itzuli da; ideiaz beteriko diskoa da: rave ariketetatik pop tropikaleraino, cumbia ukituetatik pop melodietaraino. Sebastian Pringle kantariak, zera dio lan horri buruz: "Garenaren sustraietara iritsi nahi genuen, eta hasi ginenean nola sentitzen ginen berreskuratu; guretzat musika egin ez besterik eta gure kontzertuetan jendea dantzarazi nahi genuen garai hartara, hain zuzen. Bananduta eman genuen denborak leundu egin gintuen, nolabait. Inoiz baino zoriontsuagoak gara eta gure plataforma hau erabili nahi dugu gure mezua ahalik eta jende gehienari helarazteko". Crystal Fightersek "alaitasun neurrigabeko ospakizun" bat proposatzen du bere zuzeneko ikuskizunean. Gaur, asteartea, hilak 22, Madrilgo Wizink Center-en emango duten kontzertuaren ostean iritsiko dira Donostiara, eta Lisboa, Oporto, Santander, Burgos, Sevilla, Madril, Bartzelona, Brusela, Amsterdam, Kolonia, Berlin, Paris, Manchester, Londres eta abarretan egingo dute geldialdia. Kontzertu horretarako sarrerak salgai daude jada otsailerako iragarri zenetik, eta lehen data horretarako sarrerek kontzertu honetarako erabili ahalko dira.
CRYSTAL FIGHTERS
Urriak 24, 19:30. Kursaal Auditorioa. 35 €
