Gaurkotasuna / 12 abendua, 2023
Bi egoitzetan 108 ekitaldi izan dira eta 76.000 parte-hartzaile baino gehiago izan dira urteko azken lauhilekoan.
Kursaalek eta Miramar Jauregiak kongresu eta bilera jarduera oparoa izan dute udazken honetan. Guztira, bi egoitzek 17 kongresu eta konbentzio, 8 azoka eta 83 jardunaldi izan dituzte, 76.000 parte-hartzaile baino gehiagorekin. Ekitaldi horiek askotariko sektore-espektro batean ezagutza eta berrikuntza trukatzeko plataforma gisa balio izan dute.
Urteko azken lauhilekoan Kursaaleko egutegian ezin saihestuzko hitzorduetako batzuk jaso ziren, hala nola Donostiako Zinemaldia, irailean, edo San Sebastián Gastronomika-Euskadi Basque Country, urrian, 25. urteurrena ospatu zuena, errekorreko edizio batean: 48 nazionalitatetako 14.712 parte-hartzaile, 1.468 biltzarkide eta 413 kazetari akreditatu.
Europar Batasuneko Kontseiluaren Espainiaren Lehendakaritzaren esparruan, Donostia 2023. urtean Gizarte Ekonomiaren Espainiako Hiriburua izanik, Gizarte Ekonomiari buruzko Europako Konferentzia hartu zuen Kursaalek. Konferentzia horretan maila goreneko erakundeetako ordezkariak bildu ziren. Baita FESLAN, Enpleguari buruzko Azoka eta Gizarte Ekonomiari buruzko Kongresua ere, Eusko Jaurlaritzako Enplegu Zerbitzu Publikoak antolatua.
Era berean, udazken honetan egindako ekitaldien artean, honako hauek nabarmendu behar dira: Turespaña III. Konbentzioa, turismoaren eraldaketa jasangarriari buruzkoa; CONAIF Kongresu Nazionala; Adinberri Silver Forum – Silver Economy-ren Euskadiko lehen Nazioarteko Foroa –; AMLaP Kongresua, Basque Center on Cognition, Brain and Language (BCBL) erakundeak antolatua; IX. Top 100 Medical Laser Congress; eta Zerga Aholkularien Espainiako Elkartea – AEDAF kongresua, besteak beste.
Bestalde, Miramar Jauregian ekitaldi garrantzitsuak izan dira, hala nola Osasun Digitalari buruzko Nazioarteko X. Kongresua edo Emakundek antolatutako Berdintasunerako Nazioarteko Kongresua. Era berean, Zinemaldiaren amaiera festa, Gastronomika Donostiako 25 urteak ospatzeko afaria edo Turespaña Konbentzioaren inaugurazio koktela bezalako ekitaldi sozialek ere Miramar Jauregiaren esparru paregabea aukeratu dute topaleku gisa.
Burututako ekitaldien oparotasunak eta handitasunak agerian uzten dute Donostia kongresuen egoitza gisa duen aniztasuna, eta bileren bidez, ezagutza partekatzeko eta sustatzeko plataforma bihurtzen da. Kursaal eta Miramar Jauregia, beraz, garapen ekonomikorako eta eraldaketa sozialerako ezinbesteko palanka dira, bai industriei dagokienez, bai lurraldeko funtsezko sektoreei dagokienez.
