Gaurkotasuna, Izan diren ekitaldien zerrenda / 10 azaroa, 2023
Azaroaren 8an eta 9an Adinberri Silver Forum (ASF) kongresua egin zen Kursaalen, Euskadin bizitza-luzeraren ekonomiari buruz egiten den lehen nazioarteko foroa. Hitzordu horretan lehen mailako adituak izan ziren, eta zahartzearen arloko berrikuntzak erakutsi zituen azoka batean, etorkizuneko etxea barne, Living Lab-en bidez. Bertan, adinekoen ongizatea hobetzeko berrikuntza sozial eta/edo teknologikoko irtenbideak aurkeztu ziren.
ASFk formatu bikoitza izan zuen: alde batetik, zahartzearen arloan adituak diren pertsonekin egindako biltzar profesionala, eta, bestetik, 40 erakusketari izan zituen azoka. Hain zuzen ere, foro horrek ateak ireki zizkion publikoari hilaren 9an, eta bisitariek etorkizuneko etxebizitza ezagutu zuten, ekimen berritzaileak bilduz eta pertsona erreferente eta ezagunen dibulgazio-ponentziaz gozatuz.
ASFk 40 demo tailer eta one to one bilera egin zituen eskaintzaren eta eskariaren ordezkarien artean. Foro hau Adinberrik eta Gipuzkoako Foru Aldundiak antolatu zuten, Eusko Jaurlaritzaren laguntzarekin eta Kutxabank, Caser Taldea, Alisys eta Mapfre erakundeen babesarekin.
