Gaurkotasuna / 18 urria, 2021
Latin Grammy 2021 sarietarako 3 izendapen eskuratu dituen “V.E.H.N.” (Viaje épico hacia la nada) bere azken lana aurkeztuko du.
Urriaren 20 astezkena eta 21 ostegunean, Love of Lesbian taldeak kontzertu bana emango du Donostiako Kursaal Auditorioan, V.E.H.N.” (Viaje épico hacia la nada) azken lana zuzenean aurkezteko. El poeta Haley diskoaren jarraipena den hori aurkezteko emanaldiak iluntzeko 20:00ean hasiko dira eta Kursaal Eszenaren herri musika atalaren baitan kokatzen dira.
Joan zen udaberrian plazaratutako “Viaje épico hacia la nada” (“V.E.H.N.” akronimoaz ere ezaguna) 2016an kaleratu zuten El poeta Halley bildumaren jarraipen gisa ondu da. Aldaketa irudikatzen du, “bertigotik jauzi egitera, geldi egotetik lehen urratsa ematera, blokeotik akziora, haserretik itxaropenera”. 12 kantu dira, horien artean diskoari izena ematen dion Viaje Épico Hacia la Nada, taldeak honela definitzen duena: “joandako lagun bati omenaldia egiten dion soinu elegia; ziur aski, kantu berrien bildumako abestirik gogorrena da eta, horretatik abiatuta, horizonte itxaropentsuagoetara jotzen du diskoak”, El Mundo, “une baten bitierekotasuna; zuhaitzek bapatean haizearekin bat egin eta modu sinkronikoan dantza egiten dutenean bezala; mundu horren erdian zu eta ni gaudela, guztiak zentzugabea izateari uzten dionean bezala; edo El Sur, “kryptonitaren parekoa den haragizko erakargarritasunaz mintzatzeko aitzakia, desiratutako pertsonaren hego epidermikoan kokatutako erdigune magnetikoa, azken finean, zure zentzuaren iparra galduarazten dizu hego hori”.
Hogei urteko ibilbidea egina dutela, gaztelerazko pop musikaren ikur bilakatuta, Love of Lesbian 2021eko Latin Grammy sarietarako hiru izendapen jasota datoz Donostiara: Pop/Rock album onenari (V.E.H.N.), Rock kantu onenari (El Sur), eta Pop/Rock kantu onenari (Cosmos). Diskoa aurketeko bira luze batean murgilduta duaden honetan, epainiar hiri zein jaialdi nagusienetan, europan hiriburuetan eta Latinoamerikako hainbat herrialdetan aritzearekin batera, 2022ko udaberrian Amerikako Estatu Batuetan ariko dira estreinakoz.
Love of Lesbian taldeak urriaren 20an eta 21ean emango dituen kontzertuen ondoren, Kursaal Eszenak musikal klasikoaren denboraldia irekiko du hilaren 25an, NDR Elbphilharmonie Orchester Hanburgo orkestrarekin eta Johua Bell biolinistarekin.
Kontzertu horietarako sarrerak eros daitezke Kursaaleko leihatilan eta online (www.kursaal.eus da sarreren online salmentarako bide baimendu bakarra).
LOVE OF LESBIAN
Asteazkena, 2021eko urriaren 20a / 20:00ean. Kursaal Auditorioa
Osteguna, 2021eko urriaren 21a / 20:00ean. Kursaal Auditorioa
40 €
